“सेवा हीच साधना आणि समाज upliftment हीच खरी रोटरी भावना” — या विचारातून प्रेरित होत गेल्या अकरा वर्षांपासून मी रोटरी क्लब ऑफ दौंड या ग्रामीण भागातील क्लबचा सदस्य म्हणून सक्रिय कार्यरत आहे. क्लबच्या सिल्व्हर जुबिली वर्षी अध्यक्षपद भूषवण्याचा सन्मान मला लाभला, आणि त्या वर्षी आमच्या क्लबने CPI स्कोअरमध्ये संपूर्ण जिल्ह्यात तिसरा क्रमांक मिळवत एक अभिमानास्पद यश संपादन केले. त्या कामगिरीबद्दल मला “बेस्ट प्रेसिडेंट – डिस्ट्रीक्ट 3131” हा मानाचा पुरस्कार प्राप्त झाला.
आज झोन ३ चे असिस्टंट गव्हर्नर म्हणून माझी भूमिका केवळ प्रशासनिक नाही, तर प्रेरणादायी आहे. झोनमधील खालील चार क्लब —
👉 रोटरी क्लब ऑफ पुरंदर
👉 रोटरी क्लब ऑफ इंदापूर
👉 रोटरी क्लब ऑफ इंदापूर सेंट्रल
👉 रोटरी क्लब ऑफ सुपे परगणे
या सर्व क्लबमध्ये एकात्मता, नवा उत्साह आणि सशक्त नेतृत्व निर्माण करण्याचे कार्य माझ्या मार्गदर्शनाखाली चालू आहे.
ग्रामीण भागातील क्लबसमोर सभासद टिकवणे, आर्थिक अडचणी, नवीन सदस्यसंख्या वाढवणे अशी अनेक आव्हाने असतात; तरीही आमच्या झोनने या सर्व अडथळ्यांवर मात करत Service Above Self या मूल्यावर आधारित प्रभावी प्रकल्प उभारले आहेत.
या कार्यात रोटरी डिस्ट्रिक्ट गव्हर्नर संतोष मराठे सर आणि लर्निंग फॅसिलिटेटर डॉ. अनिल परमार सर यांचे सततचे मार्गदर्शन आणि प्रोत्साहन आमच्यासाठी प्रेरणेचा स्रोत ठरले आहे. त्यांच्या नेतृत्वाखाली झोन ३ मधील सर्व क्लब प्रशिक्षण, डिजिटल नेटवर्किंग आणि प्रकल्पांच्या अंमलबजावणीमध्ये उल्लेखनीय प्रगती करत आहेत.
रोटरीच्या माध्यमातून समाजासाठी काहीतरी देणं हीच माझी खरी प्रेरणा आहे. आरोग्य, शिक्षण, पर्यावरण, महिला सक्षमीकरण आणि युवा प्रेरणा या क्षेत्रांत रोटरीची भूमिका गावागावांपर्यंत पोहोचवण्याचा प्रयत्न मी सातत्याने करत आहे.
डॉक्टर म्हणून गेली २७ वर्षे मी “डॉ. दातेस नो शुगर डायट” या उपक्रमाच्या माध्यमातून आरोग्यप्रबोधन आणि नैसर्गिक जीवनशैलीचा प्रसार करत आहे. या कार्याचा पाया हाच रोटरीचा आहे - “मानवसेवा हीच खरी देवसेवा.”
आयुर्वेदिक तत्त्वांवर आधारित, केमिकलविरहित आरोग्यप्रबोधनाच्या माध्यमातून आज हजारो लोकांनी नवे आरोग्य जीवन प्राप्त केले आहे. कोविड काळात विविध कोविड सेंटरमध्ये दिलेली निस्वार्थ वैद्यकीय सेवा, तसेच दौंड रायझिंग मॅरेथॉनच्या माध्यमातून “Fit India – Fit Doctor” हा संदेश समाजापर्यंत पोहोचवण्याचे प्रयत्न हे सर्व माझ्या रोटरी शिक्षणाचाच विस्तार आहेत.
रोटरीने मला शिकवलं — नेतृत्व म्हणजे पुढे जाणं नाही, तर सर्वांना पुढे घेऊन जाणं.
झोन ३ मधील प्रत्येक क्लब, प्रत्येक सदस्य आणि प्रत्येक प्रकल्पामध्ये ही भावना सतत जिवंत ठेवणे — हेच माझं उद्दिष्ट आहे. “Together, we inspire, we serve, and we transform lives.”
रोटेरियन डॉ. राजेश दाते
Assistant Governor – Zone 3, Rotary International District 3131
Rotary Club of Daund
